دیمەنی شکاندنی جێگای دانیشتنی باخچەیەکی ناحیەی ڕزگاری. وێنە:سۆشیال میدیا
ئاسایش بهدواى سهرپێچیكاران دهگهڕێت
كورسیه كۆنكرێتیهكانى باخچهكهى رزگارى شكێنران
میلاد جەلال – گەرمیان
شەوی رابردوو، لە یەکێک لە باخچەکانی ناحیەی رزگاری سەر بە قەزای كەلار، لەلایهن ھاوڵاتیانەوە ژمارەیەک لەو کورسیانەی بۆ دانیشتن دروستکراون شکێنران.
باخچەکە دەکەوێتە بەرامبەر سەنتەری گەنجان و بە باخچەی گەنجان ناسراوە.
کورسیەکان بە چیمەنتۆ دروستکراون و ماوەی ھەفتەیەکە لەو باخچەیە دانراون.
یاسین حەمە ئەمین چاودێری باخچەکان لە شارەوانی رزگاری، بە 964ـى وت “شەش کورسی لەو باخچەیە دانراون، دوانیان بە تەواوی شکێنراوە و دانەیەکیشیان بەشێکی شکێنراوە”
ئاماژەی بەوەشکرد، شەوان زیاتر گەنجان لەو باخچەیە دادەنیشن، ئاسایش و شارەوانی ناحیەی رزگاری دەستیان بە لێکۆڵینەوە کردوە بۆ دۆزینەوە و دەستگیرکردنی ئەو کەسانەی ئەم کارەیان کردوە.
لە ناحیەی رزگاری سەر بە قەزای کەلار، نزیکەی 30 باخچەی بچوک و گەورە ھەیە، ھاوڵاتیان و گەنجان بەمەبەستی وەرگرتنی پشوو روویان تێدەکەن.
پێداچوونهوه: فهرهاد حهسهن