ژمارەیەک کۆڵبەر لە کاتی ئەرکەکەیاندا - وێنە: socialmedia
ئامارەکە هی سێ مانگە
8 کۆڵبەر کوژراون و 36ـی دیکە برینداربوون
964+
پێشەوا محەمەد
لە ماوەی سێ مانگی سەرەتای ئەمساڵدا هەشت کۆڵبەر کوژراون و 36ی دیکە بریندار بوون، زانیارییەکان هی رێکخراوی مافی مرۆڤی هەنگاون.
%77ـی حاڵەتەکان بە تەقەی راستەوخۆی هێزە ئەمنییەکان بوون.
رێکخراوی مافی مرۆڤی هەنگاو، کە تایبەتە بە چاودێریکردنی رەوشی مافی مرۆڤ لە رۆژهەڵاتی کوردستان ئەمڕۆ هەینی 23.6.2023 بڵاویکردووەتەوە، زۆرترین قوربانیان خەڵکی کرماشان بوون بە 28 حاڵەت، زۆرترین کوژرانیش کە شەش حاڵەتە لە سنوورەکانی شاری بانە بووە.
رووداوە سروشتییەکان، مین و ئەشکەنجەدان و لێدان لە هۆکارەکانی تری مردن و برینداربوونی کۆڵبەران بوون.