مامۆستایانی خانەقین شەقامیان چۆڵ نەکرد تا وەڵامیان وەرنەگرت

964+

راژان باجەڵان – خانەقین

مامۆستایانی خانەقین تاوەک وەڵامیان وەرنەگرتەوە کۆتاییان بە ناڕەزایەتییەکەیان نەهێنا و خێمەکانیان چۆڵ نەکرد.

ئەمڕۆ چوارشەممە 21/6/2023 لە هەشتەمین رۆژیدا، مامۆستایانی ناڕەزای خانەقین بە خەندە و خۆشییەوە خێمەکانیان پێچایەوە، ئەمەش پاش ئەوەی وەڵامی ئەرێنیان وەرگرت.

داواکاری مامۆستایانی خانەقین کە ژمارەیان سێ هەزار و 700 مامۆستایە، ئەوەیە لەسەر میلاکی حکومەتی هەرێمی کوردستان بگوازرێنەوە بۆ سەر میلاکی وەزارەتی پەروەردی حکومەتی عێراق.

عەلی سۆفی، نوێنەری گشتی مامۆستایانی ناڕازی خانەقین بە 964ـی راگەیاند لایەنە سیاسییەکان و کەسانی باڵادەست هاتوونەتە سەرخەت و بەڵێنیانداوە لە زووترین کات داواکارییەکانمان جێبەجێ بکەن.

دەشڵێت: دوای جەژن وەفدێکمان دەڕۆینە بەغداد بۆ پێشکەشکردنی داواکارییەکانمان.

پێداچوونەوە: فەرمان سادق