هەزاران دۆنم زەوی و پوش و پاوانی سووتان
دوای نزیکەی 36 کاتژمێر ئاگرەکەی شارباژێڕ کۆنترۆڵکرا
964+
دیلان محەمەد جەزا
لە شەوی رابڕدوو کاتژمێر 11:00ـەوە توانراوە لەلایەن تیمەکانی بەرگری شارستانییەوە ئاگرەکەی قەزای شارباژێڕ کۆنتڕۆڵ بکرێت.
کارزان نورەدین، بەڕێوەبەری پۆلیسی دارستانی قەزای شارباژێڕ بە تۆڕی 964ـی راگەیاند، دوێنێ شەو کاتژمێر 11:00 ئاگرەکە کۆنتڕۆڵکراوە و ھیچ ئاگرێک لەو ناوچەیەدا نەماوە.
وتیشی، ئێستا چاودێریەکی چڕی ئەو ناوچانە دەکەن، بۆ ئەوەی دڵنیابن لەوەی جارێکی دیکە ئاگرەکە دروست نابێتەوە.
لە کاتژمێر 12:00ـی نیوەڕۆی رۆژی یەک شەممەوە ئاگرێک لە گوندی بەیانەوە دروست بوو بە ھەزاران دۆنم پوش پاوانی ناوچەی شارباژێڕی سوتان و نزیکەی 36 کاتژمێر بەردەوام بوو.
پێداچوونەوە: توانا نەقی
