لە بازیان .. هەرکەس خانوو دروستبکات دەبێت دوو نەمام بڕوێنێت

964+

پێشەوا محەمەد – سلێمانی

لە سبەینێوە هەرکەس لە بازیان مامەڵەی دروستکردنی خانوو بکات دەبێت دوو نەمام بڕوێنێت.

سیبەینێ دووشەممە 5.6.2023، رۆژی جیهانیی ژینگەیە و بڕیارەکەش هاوکاتە لەگەڵ یادی ئەو رۆژەدا.

شارەوانی بازیان بڕیارەکەی داوە و دەڵێن بە وردی چاودێری جێبەجێکردنی دەکەن.

“ئەو بڕیارە لە لایەن ئەنجومەنی شارەوانییەکەمانەوە دراوە و بە وردی پێوەی پابەند دەبین”، ئەمە وتەی نەوزاد جەلال، سەرۆکی شارەوانی بازیانە بۆ 964.

دەشڵێت، لە کاتی تەواوبوونی خانوودا پێویستی بە کەشفی کۆتایی شارەوانییە و ئەوکاتە ئەگەر نەمامەکان نەڕوێندرابن ئەوا واژۆی کۆتاییهاتنی خانووەکە بۆ خاوەنەکەی ناکەن.

بازیان ساڵی 2022 کراوە بە قەزا، کەوتووەتە سنووری پارێزگای سلێمانی 58 گوندی لەسەرە و نزیکەی 60 فەرمانگەی حکومی تێدایە.