قوتابیەک لە هۆڵەکانی تاقیکردنەوە تەماشای پرسیارەکان دەکات _ وێنە: 964
سبەی تاقیکردنەوەی گشتیی 12ی ئامادەیی دەستپێدەکات
964+
ژووری هەواڵ
بە بڕیاری وەزارەتی پەروەردە، سبەی شەممە یەکەم تاقیکردنەوەی گشتیی پۆلی 12ی ئامادەیی بۆ ساڵی 2022-2023 لە هەرێمی کوردستان دەستپێدەکات.
تاقیکردنەوەکان لە کاتژمێر 7:30 بەیانی دەستپێدەکەن.
بڕیارە 27ی 6 کۆتا رۆژی تاقیکردنەوەکان بێت.
لە راگەیەندراوێکدا وەزارەتی پەروەردە داوا لە خوێندکارەکان دەکات لە رێگەی ئەم لینکەوە شوێنی دانیشتنیان لە هۆڵەکانی تاقیکردنەوە بدۆزنەوە.
ئینتەرنێت نامێنێت؟
چەند رۆژێک لەمەوبەر، سەرچاوەیەک لە راگەیاندنی وەزارەتی پەروەردەی هەرێمی کوردستان بە 964ـی وت، لە کاتی تاقیکردنەوەی وزاری 12ـی ئامادەیی، هێڵەکانی ئینتەرنێت دەبڕدرێن.
ساڵانی رابردوو لە هەموو رۆژانێکی تاقیکردنەوەکان لە کاتژمێر 6:30 بۆ 10:30 بەیانی هێڵەکانی ئینتەرنێت لەکاردەخران.