ئەسپ و مانگاکانی دەربەندیخان دەستبەسەر کران
+964
هونەر فارس- کەلار
لە درێژەی هەوڵی لیژنەکانی قایمقامیەتی قەزای دەربەندیخان بۆ نەهێشتنی زیادەڕۆیی، دەست بەسەر ژمارەیەک ئاژەڵی گەورەدا گیرا.
ئاژەڵەکان ئێوارەی ئەمڕۆ، 25.5.2023 لە ناو گەڕەک و شوێنە گشتییەکاندا دەستبەسەر کراون.
ئاژەڵەکان لە دوو سەر ئەسپ و چوار سەر مانگا پێک هاتبون، بە وتەی سلیمان محەمەد سەعید قایمقامی قەزای دەربەندیخان بۆ 964 “ئاژەڵەکان ببوونە هۆی بێزاری هاوڵاتیان و زیان گەیاندن بە پارک و سەوزاییەکانی قەزاکە”.
964زانیویەتی، ئێستا ئاژەڵەکان لە شوێنێک بۆ داڵدەدانی ئاژەڵان دەستبەسەر کراون و لێپێچینەوە لە خاوەنەکانیان دەکرێت.
پێداچوونەوە: ئەرسەلان عەبدوڵا