لیژنەكانی قایمقامیەتی زاخۆ لە كاتی پشكنینی دووكان و بازاڕدا. وێنە: قایمقامیەتی زاخۆ
لە زاخۆ دەستبەسەر 300 كیلۆ ترشیاتدا گیرا
964+
كوردستان ئەحمەد
لە زاخۆ دەستبەسەر 300 كیلۆ ترشیاتی بەسەرچودا گیرا و فڕێدرا.
لیژنەكانی قایمقامیەتی قەزای زاخۆ، ئەمڕۆ هەینی لە گەڕان و پشكنینێكدا بە نێو بازاڕی زاخۆدا، توانیان دەستبەسەر 300 كیلۆ ترشیاتی بەسەرچودا بگرن و دواتر فڕێی بدەن.
لە تۆری كۆمەڵایەتی فەیسبوك لە پەیجی فەرمی قایمقامیەتی زاخۆ دوو وێنە دانراوە، لیژنەكانی قایمقامیەتی ئەو شارەن و لە دوكانێكی ترشیاتدا بەدوای مادەی تری بەسەرچوودا دەگەڕێن.
ترشیاتەكە خراپ بووە و قەیماغەی بەستووە، كەڕوی سپی و زەردی كردووە، تامەكەی و رەنگەكەشی بەتەواوەتی تێكچووە.
خاوەنی دووكانی ترشیاتەكە سزادەدرێت و دووكانەكەشی بۆ ماوەیەك دادەخرێت.