قەزای سیدەکان نەخۆشخانەی تیادا نییە
964+
مەریەم ئەحمەد
دانیشتوویەکی سیدەكانە، لەگەڵ هاوەڵەکەی چاوەڕوانی چوونەژوورەوەن بۆ لای پزیشک، تاوەکو دەرمان وەربگرن بۆ نەخۆشییەكەیان.
ئەو بێ هیوایە و گلەیی هەیە لەوەی قەزاکەیان نەخۆشخانەی تیادا نییە.
سیدەكان پێنجەم قەزای ئیدارەی سەربەخۆی سۆرانە، کە تەنیا حەوت بنکەی تەندروستی تیادایە و ئەوانیش تەنیا چەند حەب و دەرمانێکی سادە بە نەخۆشەکان دەدەن.
بەپێی ئامارەکان، سەرجەم دانیشتوانی سنوری قەزای سیدەکان و 148 گوندی دەوروبەری، زیاتر لە 21 هەزار کەس دەبێت.