بەڕێوەبەری گشتیی پەروەردەی کەرکوک دوورخرایەوە

964+
کاروان ساڵحی – کەرکوک

عەبد عەلی توعمە بەڕێوەبەری پەروەردەی کەرکوک لە پۆستەکەی دوور خرایەوە.

ئەمڕۆ یەکشەممە وەزارەتی پەروەردەی عێراق چەند گۆڕانکاریەکی لە پۆستی بەڕێوەبەری بەڕێوەبەرایەتییەکانی خۆی  ئەنجام دا و لە نێوانیان بەڕێوەبەری گشتیی پەروەردەی کەرکوک دوورخرایەوە.

سەرچاوەیەکی تایبەت لە بەڕێوەبەرایەتیی پەروەردەی کەرکوک بە تۆڕی 964 ی وت، هەواڵی دوورخستنەوەی بەڕێوەبەری ئێستای گشتیی پەروەردەی کەرکوک راستە، بابەتەکە سیاسییە زیاتر، وەک ئەوەی کارگێڕیی بێت.

وتیشی، دوو کەس بۆ ئەو پۆستە دەستنیشانکراون، یەکێکیان بەڕێوەبەری ئێستای مەشق و راهێنانە، ئەوەی دیکەش بەڕێوەبەری کۆگاکانی بەڕێوەبەرایەتییەکەیە .

پێداچوونەوە: ئەرسەلان عەبدوڵا