وێنەی جۆرێکی مین وێنە: دەزگای گشتی کاروباری مین
بەر مین کەوت و قاچی چەپی لەدەست دا
964+
فەهمی نەبی
ئەمڕۆ هاوڵاتییەکی تەمەن 55 ساڵان لە گوندێکی سنووری حاجی ئۆمەران بەر مین کەوتووە و قاچێکی لە دەست داوە.
بەڕێوەبەرایەتیی گشتیی کاروباری مین لە هەولێر ئێوارەی ئەمڕۆ چوارشەممە ئەو هەواڵەی لە ئەکاونتی دەزگاکە لە تۆڕی کۆمەڵایەتی فەیسوبوک بڵاوکردوەتەوە.
ئێوارەی ئەمڕۆ، بە دیاریکرای کاتژمێر 3:40 هاوڵاتییەک لە گوندی زینوە گردی سارکەی حاجی ئۆمەران بەر مین کەوتووە و قاچی چەپی لە دەست داوە.
ئەو هاوڵاتییە ناوی شوکری حەسەن عەوڵایە، تەمەنی 55 ساڵە.
بە گوێرەی راگەیەنراوی بەڕێوەبەرایەتیی گشتیی کاروباری مین لە هەولێر، هاوڵاتییەکە سەرەتا لە نەخۆشخانەی چۆمان چارەسەری سەرەتایی بۆ کراوە و دواتر رەوانەی هەولێر کراوە.
لە ماوەی پێنج مانگی ئەمساڵ، تەنیا لە سنووری پارێزگای هەولێر سێ رووداوی بەر مین کەوتن تۆمارکراوە.