وێنه: سۆسیال میدیا
15 پەروەردە وه‌ریده‌گرن
له ئه‌مڕۆوه شایستە داراییەکانی مانگى ئادارى وانەبێژان دابەش دەکرێت
964+
فه‌رهاد حه‌سه‌ن
بڕیاره ئه‌مڕۆ دووشه‌ممه 8.5.2023، شایستە داراییەکانی مانگی ئاداری ساڵی 2023ـی مامۆستایانی وانەبێژ دابه‌ش بكرێت و نوێنه‌رى وانه‌بێژانیش ده‌ڵێت، ئه‌مڕۆ بۆ 15 پەروەردە دابەشكردنه‌كه ده‌ستپێده‌كات.
عەلی رەئووف مستەفا، نوێنەری گشتیی مامۆستایانی وانەبێژ لە فەیسبووکی خۆی بڵاویکردووەتەوە، “رۆژى دووشەممە 8.5.2023 ده‌ست به دابه‌شكردنى شایستە داراییەکانی مامۆستایانی وانەبێژ بۆ مانگی ئاداری 2023ـی چەند پەروەردەیەک دەکرێت”.
ئاماژه‌ى به‌وه‌ش كردووه، ئه‌مڕۆ هەریەک لە پەروەردەکانی رۆژئاوا و رۆژهەڵات له سلێمانی، هەڵەبجە، پشدەر، کفری، دوکان، چەمچەماڵ، سەیدسادق، کەلار، دەربەندیخان، پێنجوێن، شارەزوور، شارباژێر، قەرەداغ و رانیە، شایستە داراییەکانی مامۆستایانی وانەبێژیان بۆ خەرج دەکرێت.