یانەی باسکەی زاخۆ هاندەرانی یانەکەیان لەگەڵ خۆیان دەبن بۆ بەغدا
964+
شڤان عەبدوڵا – زاخۆ
بۆ ئەوەی هانی تیپەکەیان بدەن یانەی زاخۆ 200 هاندەر دەباتە بەغدا.
تیپی باسکەی یانەی زاخۆ لە خولی باسکەی نایابی عێراق گەیشتە چوارگۆشەی زێڕین و بڕیارە رۆژی چوارشەممەی داهاتوو لە هۆڵی شەعب، یاری حەوتەمی بەرامبەر یانەی نەوت ئەنجامبدات.
براوەی یاریەکە دەچێتە یاری کۆتایی خولی باسکەی نایابی عێراق.
بۆ هاندان و پشتگیریکردن لە تیپەکەیان، یانەی زاخۆ بڕیاریداوە 200 هاندەر لەگەڵ خۆیدا بباتە بەغدا.
عەمار فەرهاد، سەرۆکی یانەی زاخۆ بە وەکالەت بە 964 وت، لەبەر گرنگی یاریەکە ئەو بڕیاریرەیان داوە.
دەشڵێت: بەشێک لە خەرجییەکانی هاندەران یانەی زاخۆ دابین دەکات.
پێداچوونەوە: فەرمان سادق