ئەم وێنەیە لە بەڕێوبەرایەتی پۆلیسی دارستان و ژینگەی راپەڕینەوە وەرگیراوە
پۆلیس ماسییەکانی بە 450 هەزار دینار فرۆشت
لە بنگرد 90 كیلۆ ماسی دەستیبەسەردا گیردرا
964+
كوردستان ئەحمەد
لە ناحیەی بنگرد دەستبەسەر 90 كیلۆ ماسی گیرا و پەراوی لێکۆڵینەوەش بۆ ماسیگرەکان کراوەتەوە.
پۆلیس و دارستان و ژینگەی راپەڕین بڵاویکردەوە کە ئەمڕۆ سێشەممە 2.5.2023، کە چەند ماسیگرێکی لەکاتی راودا بە 90 کیلۆ ماسییەوە گرتووە، بێ ئەوەی ژمارەی ماسیگرەکان ئاشکرا بکات.
لە راگەیەندراوەکەیدا، پۆلیسی دارستان و ژینگەی راپەڕین دەڵێت: هەڵمەتێكی پشكنین و گەڕانیان لە ناوچە ئاوییەكانی بنگرد دەستپێكرد و توانیویانە دەستبەسەر بەلەمێكی چوپ بگرن.
پۆلیس دەشڵێت: ماسیگرەکان ژمارەیەکی زۆری ماسییان راو کردبووە، دوای سەوتبەسەرداگرتنی ماسییەكان بە بڕی 450 هەزار دینار فرۆشران و پەڕاوی لێكۆڵینەوەش بۆ ماسیگرەكان كراوەیەوە و دەستبەسەر دوو تۆڕ و بەلەمە چوپەکەش گیردرا.
لە ماوەی مانگێکدا لە سلێمانی 21 راوچی دەستگیر کراون و زیاتر لە 200 تۆڕی ماسی و 12 بەلەمیش دەستیان بەسەردا گیراوە.