دهۆکییەکان بوون بە خاوەنی کارتی ئەلیکترۆنی خۆراک
964+
هیڤی دێوالی – دهۆک
لە دهۆک دەستکرا بە دابەشکردنی کارتی ئەلیکترۆنی پسوولەی خۆراک، بۆ ئەمەش 50 بنکە کراوەتەوە تاوەکو خەڵک سەردان بکەن بۆ وەرگرتنەوەی.
ئەمڕۆ 25.4.2023، بەڕێوەبەرایەتی رێکخستنی پسوولەی خۆراک رایگەیاند کە دەستیان کردووە بە دابەشکردنی کارتی ئەلیکترۆنی خۆراک.
بەڕێوەبەرایەتییەکە لە دهۆک 50 ناوەندی پێدانەوەی کارتەکەی لە 50 قوتابخانە کردووەتەوە بۆ ئەوەی هاوڵاتیان سەردانیان بکەن بە مەبەستی وەرگرتنەوەی کارتەکانیان.
قەیس وەیس، بەڕێوەبەری راگەیاندنی رێخستنی پسوولەی خۆراکی دهۆک بە 964ـی وت، هاوڵاتیان دوای وەرگرتنەوەی کارتەکانیان پێویستە سەردانی بنکەکان بکەن کە لەناو قوتابخانەکان دانراون بە مەبەستی کارا کردنی کارتە ئەلیکترۆنییەکە.
دەشڵێت: بۆ وەرگرتنەوەی کارتەکەش پیویستە کەسەکە ناسنامە یان کارتی نیشتمانی لەلا بێت.
دهۆک، یەکەم پارێزگا بوو لەسەر ئاستی هەرێمی کوردستان کە لەلایەن وەزارەتی بازرگانی عێراق هاوشێوەی کەربەلا و نەجەف دەستنیشانکرا بۆ گۆڕینی سیستمی پسوولەی خۆراک لە کاغەزەوە بۆ ئەلیکترۆنی.
پێداچوونەوە: فەرمان سادق