لەسەر رێگای رۆڤیا ئۆتۆمبێلێک بە تەواوی سووتا
964+
عەمار عەیز
ئەمڕۆ هەینی ئۆتۆمبێلێکی تایبەت لە جۆری کیا بە تەواوەتی سووتا و هیچ زیانێکی گیانی نەبووە.
رووداوەکە لە نزیک ناحیەی رۆڤیای سەربە قەزای بەردەڕەش روویداوە و ئۆتۆمبیلە تایبەتەکە بەتەواوە سووتاوە.
عەقید ئیبراهیم فەریق، بەڕێوەبەری بەرگری شارستانی ئاکرێ بە 964ی وت، “کاتژمێر 3:00ی ئێوارەی ئەمرۆ لەسەر رێگای هەولێر چەمە نزیک ئۆڤەرپاسی پەڵاسان ئاگر بەردەبێتە ئۆتۆمبێلێک لەجۆری کیا تایبەت، چوار کەس لە ئۆتۆمبێلەکە دابوون، بەڵام هەر لەسەرەتای ئاگرکەوتنەوەکەوە لە ئۆتۆمبێلەکە هاتوونەتە دەر”
وتیشی، ئاگر له دواوەی ئۆتۆمبێلەکە بەربووە پێدەچێت بەهۆی لێ چوونی بەنزینەوە بێت لەتانکیەکەی، تیمەکانمان لەشوێنی روداوەکە ئامادەبوون و توانیان ئاگرەکە کۆنتروڵ بکەن، زیانی گیانی نەبووە تەنیا زیان بە ئۆتۆمبێلەکە کەوتووە و بە تەواوی سووتاوە.
پێداچوونەوە: توانا نەقی