پیاز لە بازاڕەكانی كوردستان. وێنە سۆشیاڵ میدیا
بەرھەمی ناوخۆ نرخی پیازی دابەزاند
964+
ئەحمەد مستەفا – سلێمانی
نرخی یەک کیلۆ پیاز لە عەلوەی سلێمانی بۆ 600 دینار دابەزی، دیارترین ھۆکاریش بۆ ئەمە، کەمبوونەوەی خواست و پێگەیشتنی بەرھەمی ناوخۆیە.
لە عەلوەی سلێمانی ھەریەک لە جۆرەکانی پیازی نەجەف بە 600 دینار، پیازی ئێرانی بە 900 دینار و پیازی ھیندی بە 600 بۆ 750 دیناردەفرۆشرێن، کە پێشتر نرخیان لە نێوان 1000 دینار بۆ 1600 دیناردا بوو.
ھاوتا عەلی، خاوەن فرۆشگەی فرۆشتنی پیاز بە نرخی کۆ لە عەلوەی سلێمانی، ئەمڕۆ پێنجشەممە بە تۆڕی 964ی وت، “دابەزینی نرخی پیاز بۆ دوو ھۆکار دەگەڕێتەوە، داخستنی چێشتخانەکان بەھۆی مانگی رەمەزانەوە، پێگەیشتنی بەرھەمی شارەکانی خوارووی عێراق لە نێویشیاندا پیاز”.
ئەو فرۆشیارە ئەوەشی وت، “تا مانگێکی دیکە نرخی پیاز بۆ 400 تا 500 دینار دادەبەزێت، ئەوەش بەھۆی ئەوەی پیازی ناوخۆیک وردستان، کە لەھەولێرەوە بەرھەم دەھێنرێت پێدەگات و کاریگەری راستەوخۆی لەسەر داشکانی بەھاکەی دەبێت لە بازاڕدا