وەزارەتی کشتوکاڵ وادەی قەدەغەی هاوردەکردنی پەتاتە درێژدەکاتەوە

964+

پێشەوا محەمەد – سلێمانی

وادەی قەدەغەی هاوردەکردنی پەتاتە درێژکراوەتەوە و وەزارەتی کشتوکاڵیش دەڵێت، بۆ پاراستنی بەرهەمی پەتاتەی ناوخۆ بڕیارەکەیان داوە.

رۆژی 1.4.2023 بڕیاری قەدەغەی هاوردەکردنی پەتاتە کۆتایی هاتبوو، بەڵام وەزارەتی کشتوکاڵ و سەرچاوەکانی ئاوی هەرێم وادەکەی بۆ 30.4.2023 درێژکردەوە.

بەرهەمی پەتاتەی ناوخۆ ساڵانە لە 500 هەزار تۆن نزیک دەبێتەوە و پێویستیی ناوخۆ 100 هەزار تۆنە و ئەوەی دەشمێنێتەوە، بەشێکی بۆ پارێزگاکانی دیکەی عێراق هەناردە دەکرێت و بەشێکیشی بۆ کارگەکانی جپس لە ناوخۆدا تەرخان دەکرێت.

شاڵاو جەمال، بەڕێوەبەری کشتوکاڵی سلێمانی بە تۆڕی 964ـی وت، “بڕیارەکە بۆ پاڵپشتیکردنی بەرهەمی پەتاتەی ناوخۆیە، تا جووتیاران تووشی زەرەر نەبن و بەرهەمەکەش بپارێزرێت و بەکاربهێندرێت”.