یانەی هەولێر. فۆتۆ: پەیجی یانەکە
كاتی یارییه دواخراوه‌كەی یانه‌ی هه‌ولێر دیاریی كرا
964+
ئه‌رسه‌لان عه‌بدوڵلا
فیدراسیۆنی تۆپی پێی عێراق، كاتی یارییه دواخراوه‌كه‌ی نێوان یانه‌ی هه‌ولێر و یانه‌ی كاره‌بای دیاریی كرد.
فیدراسیۆنه‌كه رایگه‌یاند، یاریی دواخراوی نێوان هه‌ولێر و كاره‌با له گه‌ڕی 21ی خولی نایابی عێراق، رۆژی پێنجشه‌ممه‌ی داهاتوو كاتژمێر 09:00ی شه‌و له یاریگه‌ی شه‌عب ده‌كرێت.
ئه‌م یارییه ده‌بوو هه‌فته‌ی رابردوو له یاریگه‌ی زه‌وڕا له به‌غدا بكرایه، به‌ڵام به‌هۆی به‌رده‌ستنه‌بوونی یاریگه، دواخرا.
فیدراسیۆنی تۆپی پێی عێراق هه‌روه‌ها یاریی دواخراوی نێوان نه‌جه‌ف و قوه‌ی جه‌وییه‌شی دیاریی كرد، كه له هه‌مان كات و رۆژی یاریی هه‌ولێر و كاره‌با به‌ڕێوه‌ده‌چێت، به‌ڵام له یاریگه‌ی نه‌جه‌فدا.
ئێستا له خولی نایابی عێراقدا یانه‌ی شوڕته به 42 خاڵ له پله‌ی یه‌كه‌مه، به‌ڵام یارییه‌كی زیاتری له قوه‌ی جه‌وییه كردووه، كه ئه‌مه‌ی دوایی به 41 خاڵ له پله‌ی دووه‌مه، یانه‌ی كاره‌باش له 20 یارییدا 41 خاڵی هه‌یه و له پله‌ی سێیه‌مه، هه‌روه‌ها یانه‌ی هه‌ولێر له پله‌ی 16یه و 22 خاڵی هه‌یه.