راهێنراوانی کۆمپانیای نەوت خۆپێشاندانیان کرد

964+
کاروان ساڵحی کەرکوک

راهێنراوانی کۆمپانیای نەوتی باکوور خۆپێشاندانیان کرد لە دژی ئەوەی وەزیری نەوت تا ئێستا رەزامەندیی دامەزراندنیانی نەداوە، بەهۆی خۆپێشاندانەکەشەوە شەقامی سەرەکیی کەرکوک – بەغدایان داخست.

ئەمڕۆ چوارشەممە 22.3.2023 بەشێک لە راهێنراوانی کۆمپانیای نەوتی باکوور لە بەردەم بینای پارێزگای کەرکوک خۆپێشاندانیان ئەنجام دا و داواکارن دابمەزرێن، لە کاتێکدا وەزیری دارایی عێراق و کۆمپانیا نەوتییەکان و ئەنجومەنی وەزیرانیش رەزامەندیی دامەزراندنیانی داوە.

ئەمین کاکەیی نوێنەری خۆپێشاندەرانی راهێنراوانی کۆمپانیای نەوتی بە تۆڕی 964ی راگەیاند، شەش مانگ راهێنانی کۆمپانیای نەوتیان ئەنجامداوە و ماوەی چوار ساڵغٍە خۆپإشاندان و ناڕەزایەتی ئەنجام دەدەن و رەزامەندیی کۆمپانیا نەوتییەکانیان وەرگرتووە، بەڵام وەزیری نەوتی عێراق رەزامەندیی لەسەر دامەزراندنیان نەداوە”.

وتیشی “راهێنراوانی کۆمپانیای نەوتی باکوور ژمارەیان 452 راهێنراون و دەرچووانی کۆلێژ و پەیمانگە نەوتییەکانی کەرکوکن و زیاتر لە دەیان  جارە خۆپێشاندان لە بەردەم کۆمپانیای نەوت و بینای پارێزگای شارەکە ئەنجام دەدەن، بەڵام بێسوود بووە.

پێداچوونەوە: ئەرسەلان عەبدوڵڵا