گەرمیان؛ بەهۆی پێکدادانی ئۆتۆمبێل و ماتۆڕسکیلێک سێ مێردمنداڵ بریندار بوون
964+
پەری ساڵح
بەڕێوەبەرایەتی هاتوچۆی گەرمیان بڵاویکردەوە، لەسەر رێگای سەرەکیی نێوان کەلار و گردەگۆزینە، رووداوێکی هاتوچۆ لە نێوان ئۆتۆمبێلێک و ماتۆڕسکیلێکدا روویداوە و بەهۆیەوە سێ کەس بریندار بوون.
بەپێی زانیارییەکانی هاتوچۆ، رووداوەکە لە کاتی پێچکردنەوەیەکدا لە نێوان ماتۆڕسکیلێک و ئۆتۆمبێلێکی جۆری (نیسان سەنی) لە نزیک گۆڕستانی “شێخ عەبدولڕەحمان” روویداوە، لە ئەنجامدا لێخوڕی ماتۆڕسکیلەکە و دوو سەرنشینی کە لەگەڵیدا بوون، برینداربوون.
هەر سێ بریندارەکە تەمەنیان لە خوار تەمەنی یاساییەوەیە و لەدایکبووی ساڵانی (2010 و 2011)ەن، دەستبەجێ دوای رووداوەکە، لەلایەن تیمەکانی فریاگوزارییەوە رەوانەی نەخۆشخانەی فریاکەوتنی “شەهید هەژار” لە کەلار کران بۆ وەرگرتنی چارەسەری پزیشکی.
دوای رووداوەکە، تیمەکانی هاتوچۆی گەرمیان گەیشتوونەتە شوێنەکە و هێڵکارییان بۆ رووداوەکە کردووە، هەروەها لێکۆڵینەوەی فەرمی دەستیپێکردووە بەمەبەستی دیاریکردنی هۆکاری سەرەکی پێکدادانەکە .