فاینۆرد شاختاری تێکشکاند فۆتۆ: سۆشیال میدیا
چوار یانه گه‌یشتنه قۆناغی هه‌شتی یۆرۆپالیگ
964+
ئه‌رسه‌لان عه‌بدوڵڵا
یانه‌كانی فاینۆرد، مانچێسته‌ر یونایتد، سێڤییا و یوڤێنتۆس گه‌یشتنه قۆناغی هه‌شتی یۆررۆپالیگ.
كه‌مێك پێش ئێستا چوار یاری له گه‌ڕی گه‌ڕانه‌وه‌ی قۆناغی 16ی یۆرۆپالیگ كۆتاییان هات.
تێیدا یانه‌ی فاینۆرد رۆتردامی هۆڵه‌ندی بردنه‌وه‌یه‌كی گه‌وره‌ی تۆمار كرد و به 7-1 گۆڵ له یانه‌ی شاختار دۆنیستكی ئۆكراینی برده‌وه.
یاریی چوونیش به 1-1 گۆڵ كۆتایی هاتبوو.
له یارییه‌كی دیكه‌دا یانه‌ی مانچێسته‌ر یونایتدی ئینگلیزی بردنه‌وه‌ی به‌سه‌ر یانه‌ی ریال بێتیسی ئیسپانی دووباره كرده‌وه و ئه‌مجاره به 1-0 گۆڵ لێی برده‌وه، دوای ئه‌وه‌ی یاریی چوونیشی به 4-1 گۆڵ لێبرده‌وه.
هه‌روه‌ها یانه‌ی یوڤێنتۆسی ئیتالی به 2-0 گۆڵ له یانه‌ی فرایبۆرگی ئه‌ڵمانی برده‌وه.
یاریی چوونیش له ئه‌ڵمانیا به بردنه‌وه‌ی یوڤێ به 1-0 گۆڵ كۆتاییهاتبوو.
هه‌روه‌ها له یارییه‌كی دیكه‌دا، یانه‌ی سێڤییای ئیسپانی سه‌ره‌ڕای دۆڕانی به 0-1 گۆڵ به یانه‌ی فه‌نه‌رباخچه‌ی توركیا، به‌ڵام به سوودوه‌رگرتن له یاریی چوون، كه به 2-0 گۆڵ براوه بوو، توانی له‌م قۆناغه‌دا ده‌رباز بێت.
به‌م ئه‌نجامانه یانه‌كانی فاینۆرد، مانچێسته‌ر یونایتد، سێڤییا و یوڤێنتۆس گه‌یشتنه قۆناغی هه‌شت.
هاوكات ئه‌مشه‌و چوار یاریی دیكه به‌ڕێوه‌ده‌چن، كه كاتژمێر 23:00 ده‌ستپێده‌كه‌ن.
یارییه‌كانیش به‌م شێوه‌یه‌یه:
سانت جیلواز – یۆنیون به‌رلین
فرینكفارۆشی – بایه‌رلیڤه‌ركوزن
ئارسیناڵ – سپۆرتینگ لیشبۆنا
ریال سۆسیداد – رۆما