ئەمڕۆ فەرمانەکەیان بۆ دەرچووە
7455 پلەدار و پێشمەرگە پلەیان بەرز کرایەوە
964+
پێشەوا محەمەد – سلێمانی
وەزارەتی پێشمەرگە پلەبەرزکردنەوەی 7455 پلەدار و پێشمەرگەی سەر بە دیوان و لیواکانی پیادەی سەر بە وەزارەتەکەی راگەیاند.
دامەزراندنەکە بە فەرمانی ژمارە 5830 لە بەرواری 16.3.2023 و بە پشتبەستن بە بڕیاری وەزارەتی پێشمەرگە 6030ـی ساڵی 2011 پلەی ئەو پلەدار و پیشمەرگانە بەرزکراوەتەوە.
بە پێی راگەیەندراوەی وەزارەتی پێشمەرگەی حکومەتی هەرێم بێت؛ ئەو پلەبەرزکردنەوەیە پاڵپشتە بە ماددەی چوار لە سیستمی ژمارە شەشی ساڵی 2011ـی پەیڕەوی نیزامیی راژە و خانەنشینیی پێشمەرگە تایبەت بە یاسای ژمارە 38ـی ساڵی 2007.