دوێنێ جوانەگایەکیان مردار کردەوە
ستوونەکانى مەیدانى ئاژەڵان بوونە هۆى مرداربوونەوەى شەش سەر ئاژەڵ
964+
ئەحمەد شەمزین- هەولێر
تەنیا لە وەرزى بارانبارینى ئەمساڵ، بەهۆى شۆرتى کارەبا لە سێ ستوونى مەیدانى ئاژەڵانى سەر رێگاى هەولێر- گوێر، شەش ئاژەڵ مردار بوونەتەوە.
دوێنێ یەکشەممە، لەگەڵ گەیشتنى شەپۆلێکى بارانبارین، یەکێک لە ستوونەکانى مەیدانەکە تەزووى کارەبا کەوتەسەرى و بەهۆیەوە جوانەگایەک کە بەوتەى خاوەنەکەى نرخەکەى 2000 دۆلار بووە، مردار بووەتەوە.
محەمەد عەلى، بەڕێوەبەرى مەیدانەکە بە 964ـى وت،”بەڕێوەبەرایەتى چاککردنەوەى کارەبامان ئاگادار کردووەتەوە بۆ چارەسەرکردنى ئەو کێشەیە”.
پێداچوونەوە: وریا فەتاح
