لە شارباژێر 60 داربەڕووی باڵابەرز بڕدرانەوە و کەسێکیش بەتۆمەتی خەڵوزکردن دەستگیرکرا – وێنە؛ پۆلیسی دارستان و ژینگەی سلێمانی
لە شارباژێر
60 داربەڕووی باڵابەرز بڕدرانەوە و کەسێکیش بەتۆمەتی خەڵوزکردن دەستگیرکرا
964+
شۆڕش قادری
لە شارباژێر 60 چڵ داربەڕووی سەوز و جوان بڕدرانەوە و کەسێکیش بەتۆمەتی خەڵوزکردن دەستگیر کرا.
بەپێی راگەیەنراوێکی بەڕێوەبەرایەتی پۆلیسی دارستان و ژینگەی سلێمانی، مەفرەزەیەكی بەشی پۆلیسی دارستان و ژینگەی ماوەت دەرچوونێکیان بۆ سنوری گوندی گەڵاڵە ئەنجامداوە، دوای گەڕان و پشکنینی سنوورەکە 60 چڵ داربەڕوویان بە بڕدراوی بینیوە.
دوای ئاگادارکردنەوەی دادوەر لەو رووداوە، بڕیاردراوە بە دەستگیرکردنی تۆمەتباران و گەڕان بەدوایاندا بەردەوامە.
هەر لە شارباژێر و لە سنووری گوندی هەباسە گوڵە، هاوڵاتیەک بە تۆمەتی خەڵوز کردن دەستگیر کراوە و کورەیەکی خەڵوزکردنیش تێکدرا و دەستگیرا بەسەر ژمارەیەك داری ووشك و داری سووتاو و ئامادەکراو بۆ خەڵوزکردن.
پەڕاوی لێکۆڵینەوە بۆ ئەو رووداوەش کراوەتەوە و رادەستی دادوەر کراوە بۆ وەرگرتنی رێکاری یاسایی.
لە گوندێکی شارباژێر کورە خەڵوزێک تێکدرا
