بەم بەیانییە
درۆنێک لە سلێمانی کەوت و بریندار هەیە
964+
دیلان محەمەدجەزا
بەپێی ئەو ڤیدیۆیانەی دەست 964 کەوتووە، ئەم بەیانییە درۆنێک لەسەر بانی ماڵێک لە سلێمانی کەوتووەتە خوارەوە.
بەپێی زانیارییەکانی پەیامنێری 964، درۆنەکە لە گەڕەکی قالاوە کەوتووەتە سەربانی ماڵێک، لە ئەنجامدا منداڵێک بریندار بووە و زیان بە ماڵەکە و بە ئۆتۆمبێلی خاوەن ماڵەکەش کەوتووە.
لای خۆیەوە میدیای ئێرانی سەداوسیما لە بارەی ئەم هێرشە درۆنییەوە نووسیویەتی، “هێرشی فڕۆکەی بێفڕۆکەوان بۆ سەر کۆگاکانی چەکی تاقمی تیرۆریستی لە پارێزگای سلێمانی”، ئەمە لە کاتێکدایە درۆنەکە کەوتووەتە سەر ماڵێکی سڤیل لە گەڕەکێکی سلێمانی.
پێداچوونەوە: ئەرسەلان عەبدوڵا
