هێشتا لە ژێر گەمارۆدایە
بارودۆخی ئێستای کۆبانێ چۆنە؟
+964
ئەرسەلان عەبدوڵا
هەرچەندە رێککەوتنێک لە نێوان هێزەکانی سوریای دیموکرات (هەسەدە) بۆ چارەسەرکردنی پرسی رۆژئاوای کوردستان و نەهێشتنی شەڕ و ناکۆکی کراوە، بەڵام شاری کۆبانێ هێشتا گەمارۆ دراوە و خەڵکەکەشی بارودۆخیان لەوپەڕی خراپیدایە.
ئاژانسی فورات نیوز لە بارەی رەوشی شاری کۆبانێ، بە چەند خاڵێک روونکردنەوەی داوە، کە بەم جۆرەیە:
– دوکانەکان بەتاڵن لە پێداویستییە سەرەتاییەکانی خۆراک.
– دانیشتووان تەنیا لە رێگەی تانکی یان تراکتۆرەوە دەتوانن دەستیان بە ئاو بگات.
– کۆگاکانی دەرمان تەواو دەبن، تەنانەت بۆ پێداویستییە فریاگوزارییەکانیش.
– دەستڕاگەیشتن بە دەرزی و ئامێری پزیشکی لەڕادەبەدەر قورسە.
– کیتی دابەزاندنی تا و پێداویستی شووشتنی گۆرچیلە لە نەخۆشخانەکان زۆر سنووردارە.
– نەشتەرگەری فریاگوزاری بە رێژەیەکی زۆر کەم ئەنجام دەدرێت.
– دوو هەفتەیە شارەکە بێ کارەبایە.
– پچڕانی ئینتەرنێت و پەیوەندییەکان گۆشەگیری زیاتری دروست کردووە و هاوڵاتیانی شارەکەی دابڕاندووە.
– سووتەمەنی پێویست بۆ کارپێکردنی مۆلیدە و ئۆتۆمبێل نییە.
– بەهۆی گەمارۆدانەوە رێکخراوە مرۆییەکان ناتوانن هاوکاریی پێویست بگەیەننە شارەکە.
نزیکەی بیست رۆژە شاری کۆبانێ لە ژێر گەمارۆ و دەورەدانی سەربازیدایە و تا ئێستا چارەسەرێک بۆ بارودۆخی خەڵکەکەی نەدۆزراوەتەوە.
