"خەڵک متمانەی بە بۆرسە نیە"
کردنەوەی بۆرسەی جیهانی کاریگەری لەسەر نرخی زیو نەبووە
964+
دیلان محەمەد جەزا – سلێمانی
مامەڵەکارێک پێی وایە داهاتووی زیوو و بەهاکەی لە بەرزبونەوەدایە، ئەو دەڵێ خەڵک کە زیوو دەکڕن باشترە پەلە لە فرۆشتنەوەی نەکەن، هەروەک هاوتای نرخی جیهانی بیکڕن نە بە بڕی بەرزتر.
رەوەز میرزا، مامەڵەکای دراو و زیوە ئەو بە 964ی وت، ئەو خەڵک زیوویان کڕی بوو، تموحیان لەوەدا بوو زیوو زیاتر بەرزببێتەوە بۆیە زوو فریا نەکەوتن زیووەکانیان بفرۆشنەوە و زیانێکی زۆریان کردووە، ئێستاش نەچووە بچێت و داهاتوو زیوو لە بەرزیدایە.
لەبارەی جیاوازی نرخی لە بازاڕ و بۆرسە، رەوەز میرزا وتی، خەڵک لێرە متمانەیان بە بۆرسە نییە، بۆیە جیاوازییەکی زۆر لە بازاڕی خۆماڵی و جیهانی لە کاتی مامەڵە بە زیوو هەستی پێ دەکرێ.
ئەمڕۆ بەردەم بازاڕی دۆلارەکەی کەسی تری نەئەگرت، قەرەباڵغییەکی زۆر هەبوو، ناوبەناو هێزە ئەمنییەکان بڵاوەیان بەو خەڵکە دەکرد کە بۆ مامەڵەی کڕین و فرۆشتن زێر هاتبوون.
یەکێک لەو هاوڵاتییانە بە 964ـی وت، خەڵک هاتوون بۆ قازانج زیو بکڕن و داواکارییەکی زۆری لەسەرە، ئەمەش وایکردووە لە یەک شەودا زیو زیاتر لە سێیەکی نرخەکەی لەدەستبدات و لە 120 دۆلارەوە هاتووەتە سەر 77 دۆلار.
ئەو وتی، کەسێک مریشک فرۆش بووە و دوێنێ هاتووە، هەموو سەروەتەکەی کردبوو بە زیو و نزیکی 15 هەزار دۆلار زەرەری کردووە، یەکێکی دیکە لەو هاوڵاتییانەی لە بازاڕی دۆلارەکەی سلێمانی بوو بۆ 964 وتی، لەماوەی یەک هەفتەدا 18 هەزار دۆلار زەرەری کردووە.
پێداچوونەوە: ئەحمەد مستەفا
