نزیکەی 16 هەزار کەیسی توندوتیژی دژی ژنان تۆمارکراوە

964+
فەهمی نەبی

بە گوێرەی ئامارەکانی حکومەتی هەرێم، لە ماوەی ساڵێکدا نزیکەی 16 هەزار کەیسی توندوتیژی دژی ژنان تۆمارکراوە، حکومەتیش دەڵێت زۆربەی ئەو کێشانە بە ئاشتەوایی چارەسەر کراون.

ماڵپەڕی حکومەتی هەرێمی کوردستان، ئەمڕۆ 8.3.2023 لە یادی رۆژی 8ی مارس، ئاماری ساڵێکی توندوتیژی دژی ژنانی بڵاوکردەوە.

لە هەواڵەکەی حکومەتدا ئەوەش هاتووە، لە ماوەی ساڵی 2022 توانراوە لەسەر کەیسی توندوتیژی دژی ژنان 3000 تۆمەتبار دەستگیر بکەن.

بە پێی زانیاریەکانی تۆڕی 964، لە چوار پارێزگاکەی هەرێمی کوردستان، حەوت بەڕێوەبەرایەتی و 26 نووسینگە و پێنج هۆبە هەیە، کە رۆژانە لە رێگەی هێڵی گەرمی 119سکاڵای ئەو ژنانە وەردەگرن، کە توندوتیژیان بەرامبەر دەکرێت.