دەنگی ناڕەزایی كۆنگرێسمانێکی دیموكراتەكان
ئیدارەی ترەمپ بە وازهێنان لەو شەڕڤانانەی یارمەتیدەر بوون لە تێکشکاندنی داعش تۆمەتبار دەکرێت
964+
فەرهاد حەسەن
لەناو کۆنگرێسی ئەمریکا بە تایبەتیش لەلایەن كۆنگرێسمانی دیموكراتەكان دەنگی ناڕەزایی لە دژی دۆناڵد ترەمپ بەرز بووەوە و تۆمەتباری دەکەن بە دەستبەرداربوونی لە هاوپەیمانە سەرەکییەکانی شەڕی تیرۆر، چونکە دەڵێت “ترەمپ چەندینجار دەریخستوە دۆستێکی باش نییە”.
فرانك پالۆن، كۆنگرێسمانی دیموكراتەكانی ئهمریكا رهخنهی توند له ئیدارهی ترهمپ دهگرێت و رایگهیاند، ترەمپ چەندین جار دەریخستوە دۆستێکی باش نییە، ئەم ئیدارەیەی ئهمریكا دەبێت لێپرسینەوە لەگەڵ بكرێت لەبەرامبەر سیاسەتە هەڵەشەكانی.
فرانك له ههژماری تایبهتی خۆی له تۆڕی X نوسیویهتی، ئەم پێشهاتانە لە سوریادا روودەدەن جێگەی نیگەرانی بووە، هاوپەیمانە سەرەکییەکانی شەڕی دژی تیرۆر فڕێدراونەتە ناو گورگەکانەوە.
دەشڵێت “ناپاكیكردن لە هاوپەیمانانی ناتۆ کە یارمەتیانداین لە جەنگی ساردا سەرکەوتن بەدەستبهێنین و شانبەشانی ئێمە لە ئەفغانستان شەڕیان کرد، تا دەگاتە وازهێنان لەو شەڕڤانانەی کە یارمەتیان داین لە تێکشکاندنی داعش”.
پێشتر تۆم باراک، نێردەی ئهمریكا بۆ كاروباری سوریا له پهیامێكدا لهبارهی دۆخی سوریا و كوردهوه وتبووی، ئامانجی سەرەتایی هێزەکانی ههسهده وەک هێزی سەرەتایی دژە داعش لەسەر زەوی تاڕادەیەکی زۆر بەسەرچووە، چونکە ئێستا دیمەشق هەم ئامادەیە و هەم پێگەی خۆی هەیە بۆ وەرگرتنی بەرپرسیارێتییە ئەمنییەکان، دهشڵێت، بهپێی رێكهوتنی نوێ، کێڵگە نەوتییەکان، بەنداوەکان، دەروازە سنورییەکان و زیندان و کەمپەکانی داعش رادەستی دیمەشق دهكرێنهوه.
تۆم باراک لەگەڵ مەزڵوم عەبدی و ئیلهام ئەحمەد کۆبوهتهوه
