قاوەی قەزوانی كوردیمان هەیە
قاوەخانەیەکی سلێمانی: قاوەی توركی و عەرەبیمان فڕێدا و چیتر نایفرۆشین
964+
دیلان محەمەدجەزا
قاوەخانەیەک لە سلێمانی بڕیاری داوە چیتر قاوەی توركی عەرەبی نەفرۆشن، ئەمەش وەك كاردانەوەیەک بەرامبەر ئەو ستەم و داگیركارییەی بەرامبەر گەلی كورد لە رۆژئاوای كوردستان دەكرێت.
گەنجێكی قاوەخانەكە بە 964ی وت، قاوە توركی و عەرەبییەكانمان فڕێدا و قاوەی قەزوانی كوردی دەفرۆشین.
گەنجێكی دیكەش كە لە قاوەخانەكە ئیش دەكات، دەڵێت، “بە هەموو شێوەیەک سەپۆرتی رۆژئاوا دەكەین، نەك هەر قاوە، ئەوەتا ئاڵای كوردستانیشمان كڕیوە و بەسەر ژمارەیەك لە قاوەخانەكانی دیكەی سلێمانی دابەشی دەكەین، بۆ ئەوەی هەڵیواسن”.
بڕیاری قاوەخانەكە بە نەفرۆشتنی قاوەی توركی و عەرەبی، وەك خۆیان باسی دەكەن، كاردانەوەیە بەرامبەر ئەو ستەمەی لە كوردانی رۆژئاوا دەكرێ و پشتگیریكردنی خوشك و برایانیانە لە رۆژئاوای كوردستان.
پێداچوونەوە: ئەرسەلان عەبدوڵا
