"قهرهباڵغی ناو شاری كهمكردووهتهوه"
بهشێكی شهقامی 100 مهتری سلێمانی کرایەوە و بووە ئاسانکاری بۆ شۆفێران
964+
فەرهاد حەسەن
بهڕێوهبهری فهرمانگهی شهقامی 100 مهتری سلێمانی رایگهیاند، كردنهوهی بهشێكی شهقامی 100 مهتری قهرهباڵغی ناو سهنتهری شار بهتایبهت بهشی خوارهوهی شهقامی بازنهیی مهلیك مهحمود، چوارڕیانی سهرچنار و شهقامی تاسڵوجه بۆ سلێمانی كهمكردووهتهوه.
ئهندازیار ئاسۆ جهزا، بهڕێوهبهری فهرمانگهكه له بهرنامهیەکی رادیۆی ترافیك ئێف ئێم رایگهیاند، ئهگهر ههركهسێك بچێته شهقامی 100 مهتری دهبینێت چهند بارههڵگر رۆژانه ئهو شهقامه بهكاردههێنن و كاریگهری لهسهر كهمبوونهوهی لۆد و قهرهباڵغی ناوشار به چ ئهندازهیهكه.
وتیشی “ئەم شهقامە رێگایهكی خێرایه و لهسهروو پێنج كیلۆمهترهوه به پرد شۆفێر دهتوانێت یوتێرن بكات و شهقامهكه وهك بای پاس وایه و شۆفێر پێویسته كه چووه سهر شهقامهكه پێشتر بڕیاریدابێت بۆ كوێ دهچێت”.
دەشڵێت، بهشێك له پردهكان یهك چین قیڕیان ماوه بۆیان بكرێت و بهتهواوبوونیشیان ئاسانكاری بۆ هاتووچۆ دهكهن.
باس لهوهشدهكات، جگه لهپردهكان شۆفێران دهتوانن پردی رێگای عهزیزئاوا بۆ یوتێرنكردن بهكاربهێنن و دهشڵێت “له تاسڵوجه تاوهكو رێگای قهرهداغ سێ پردی تێدایه و دوانیان بهتهواوی تهواوبوون و پردی سێیهمیش ئهگهرچی له 100% تهواو نهبووه، بهڵام كراوهتهوه و دانیشتوانی گوندهكان دهتوانن بهكاری بهێنن”.
لهبارهی بهردهوامی كاركردن له شهقامهكه له وهرزی زستان، بهڕێوهبهری فهرمانگهکە جهخت دهكاتهوه، كاركردن لهچهند شوێنێكی پرۆژهكه بهردهوامه بهڵام كاری تێكهڵهڕێژكردن و قیڕتاوكردن تاوهكو كۆتایی وهرزی بارانبارین راگیراوه.
