هاتوچۆی سلێمانی: رێگای ئەزمەڕ و گۆیژە بەربەست کرا

964+

ئەرسەلان عەبدوڵا

بەڕێوەبەرایەتیی هاتوچۆی سلێمانی ‎ئاگاداری هاوڵاتیان و شۆفێرانی شاری سلێمانی دەکات، بەهۆی بارینی بەفرێکی زۆرەوە، لە پێناو سەلامەتی گیانی شۆفێران، هەر یەک لە رێگاکانی سەرشاخی گۆیژە و ئەزمەڕ و دۆڵەمیران ئێستا بەربەست کراون.

پۆلیسی هاتوچۆی سلێمانی ئەمشەو دووشەممە 19.1.2026 ئەم زانیارییەی بڵاوكردەوە و دەشڵێن: تکایە تا دەتوانن سەردانی ئەو شوێنانە مەکەن تا ئاسایی بوونەوەی هاتوچۆ تێیاندا.

شەپۆڵێكی دیكەی بەفر و باران هەرێمی كوردستانی گرتووەتەوە و لە زۆر ناوچەدا بەفری زۆری باریوە و بەردەوامیشە.

هاوكات هەر بەم هۆیەوە لە چەند شار و شارۆچكەیەك لە ناوەندەكانی خوێندن كراوەتە پشوو.

بەفر و بارانبارین بەردەوام دەبێت