داهاتی نانەوتی سلێمانی و هەڵەبجەبۆ ئەم هەفتەیە زیاتر لە 10 ملیار دینار
جیاوازییەکەی بەراورد بە هەفتەی پێشوو بزانە
داهاتی ئەم هەفتەیەی سلێمانی و هەڵەبجە زیاترە لە 10 ملیار دینار
964+
شۆڕش قادری
داهاتی نانەوتی ئەم هەفتەیەی هەر دوو پارێزگای سلێمانی وهەڵەبجە بەهەردوو ئیدارەی گەرمیان و راپەڕینەوە بەراورد بە هەفتەی رابردوو سێ هێندە زیادیکردووە و 10 ملیار دیناری تێپەڕاندووە.
بەپێی نوێترین داتا و ئاماری ماڵپەڕی شەفافیەت، داهاتی نانەوتیی سنووری سلێمانی و هەڵەبجە و هەردوو ئیدارەی راپەڕین و گەرمیان لە رۆژی 10.1.2026 تا ئەمڕۆ هەینی 16.1.2026، 10 ملیار و 548 ملیۆن و 21 هەزار و 650 دینارە، لەکاتێکدا هەفتەی پێشوو سێ ملیار و 217 ملیۆن و 915 هەزار و 309 دینار بوو.
لە داهاتی ئەم هەفتەیەی پارێزگاکانی سلێمانی و هەڵەبجە، بڕی نۆ ملیار و 257 ملیۆن و 870 هەزار و 650 دیناری بە شێوەی نەختینە و یەک ملیار و 290 ملیۆن و 151 هەزار دیناریشی چەکە.
ماڵپەڕی شەفافییەت هەموو هەفتەیەک داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین دەخاتەڕوو.
ئەو داهاتەی ماڵپەڕەکە ئاشکرای دەکات، لە دەروازە سنوورییەکان، فڕۆکەخانە، گومرگ، کرێی کێش و پێوەرەکان، پێبژاردن و سزای دارایی، پشکنینەکان، رسووماتی بەخشین، ژینگەی ئۆتۆمبێل، تابلۆ و داهاتی شارەوانییەکان، بەدەستهاتووە.
داهاتی یەک هەفتەی سلێمانی زیاتر لە نۆ ملیار دینارە
