سەرۆکی رەوتی سەدر موقتەدا سەدر
"پارێزراوبن لە هەموو توندوتیژییەک".
موقتەدا سەدر، نزا بۆ پێکهاتەکانى سوریا دەکات
964+
وریا فەتاح
موقتەدا سەدر، رێبەری ڕەوتی سەدر پەیامێکی نوێی سەبارەت بە دۆخی سوریا بڵاوکردەوە و تێیدا نزا بۆ پاراستنی تەواوی پێکهاتەکانی ئەو وڵاتە دەکات لە هەر “خراپە و توندوتیژییەک”.
سەدر لە پەیامەکەیدا کە ئەمڕۆ 8.1.2026، بڵاویکردووەتەوە، داوا دەکات وڵاتی سوریا و گەلەکەی بە هەموو تائیفە و نەتەوە جیاوازەکانەوە پارێزراو بن.
ڕێبەری رەوتی سەدر بە ناوهێنان ئاماژەی بە پێکهاتەکانی “سوننە، شیعە، دروز، کورد، مەسیحی و هەموو کەمینەکانی دیکە” کردووە.
لە کۆتایی پەیامەکەیدا، موقتەدا سەدر نزا دەکات کە گەلی سوریا لە هەموو جۆرە “خراپە، توندوتیژی و ئازارێک” بەدوور بن.
