ماڵئاوا 2025
2026؛ کوردستان و عێراق لاپەڕەیەکی نوێ هەڵدەدەنەوە
964+
وریا فەتاح
لەگەڵ لێدانی زەنگی کاتژمێر 12:00ـی شەو، هەرێمی کوردستان و عێراق ماڵئاوایییان لە ساڵی 2025 کرد و پێیان نایە ناو ساڵی نوێی 2026، ساڵێک کە چاوەڕوانییەکی زۆری لێ دەکرێت ببێتە ساڵی کۆتاییهێنان بە قەیرانەکان و هەنگاونان بەرەو گەشەسەندنی ئابووری و سیاسى.
ئێستا ساڵى نوێیە
ساڵی 2025، ساڵی پڕ لە وەرچەرخان بوو بۆ کورد و عێراقییەکان؛ لە گەڕانەوەی نەوت و چەسپاندنی مووچە، تاوەکو گۆڕانکارییە سیاسییە گەورەکانی جیهان. ئێستا کە 2026 دەستی پێکرد، چەندین دۆسێی گرنگ لە چاوەڕوانیی یەکلاکردنەوەدان.
ئەو دۆسێیانەی لە 2026دا چاوەڕوانکراون:
یەکەم: پێکهێنانى کابینەى نوێى حکومەتى عێراق.
دووەم: پێکهێنانى کابینەى 10ـى حکومەتى هەرێمى کوردستان.
سێیەم: دەستپێکردنەوەى دانیشتنەکانى پەرلەمانى کوردستان.
چوارەم: یەکلاییکردنەوەى پۆستى سەرۆک کۆمار
پێنجەم: درێژکردنەوەى رێککەوتنەکانى نێوان هەرێم و بەغدا و دۆسییەى نەوت و موچە.
شەشەم: تەواوى کوردستان بە کارەباى 24 کاتژمێرى رووناک بکرێتەوە.
لەم ساتانەی سەرەتای ساڵی 2026دا، ئاسمانی شارەکانی هەرێمی کوردستان بە یارییە ئاگرینەکان رازاوەتەوە و هاووڵاتییان بە ئومێدی “ژیانێکی شایستەتر” پێشوازی لە ساڵی نوێ دەکەن.
964 و تۆڕى پەیامنێرانى لەم ساڵە نوێیەشدا، وەک هەمیشە لە دڵی رووداوەکاندا دەبن بۆ گواستنەوەی راستییەکان بە خێرایی و بێلایەنی.
ساڵی نوێی هەموو لایەک پیرۆز بێت.. بەرەو 2026ـێکی گەشتر.
