بەفربارینی دیکە بەڕێوەیە و کەشەکە دەیبەستێ

964+

شۆڕش قادری

شەپۆلێکی دیکەی بەفر و باران روو لە کوردستان دەکات و کەشەکە بەتەواوەتی دەیبەستێ، بەجۆرێک لە زۆربەی ناوچە شاخاوییەکان پلەی گەرما دەچێتە ژێر سفر پلەی سیلیزی و زیاتریش.

بەپێی پێشبینییەکانی کەشناسی، ئەمڕۆ دووشەممە 29.12.2025 ئاسمان نیمچە هەور بۆ هەوری تەواو دەبێت، بەڵام بۆ سبەی بەیانی شەپۆلێکی تری بەفر و باران روو لە هەرێمی کوردستان دەکات، سەرەتا بەیانی زوو لە ناوچە سنوورییەکانی رۆژئاوای پارێزگای دهۆک دەستپێدەکات، پاشان دوای نیوەڕۆ، تەواوی ناوچەکانی هەرێم دەگرێتەوە، بە سەنتەری هەر چوار پارێزگاکەی کوردستان و کەرکوکیشەوە.

پلەی گەرما پێنج بۆ هەشت پلەی دیکە نزمتر دەبێتەوە و لە ناوچە شاخاوییەکان بەبڕی 15 بۆ 30 سانتیم بەفر دەبارێت و پلەی گەرماش دەچێتە ژێر سفر پلەی سیلیزی.

سبەی ئێوارە و لە کاتەکانی شەودا شەپۆلەکە لاواز دەبێت و کەشەکە تاڕادەیەک ئاسایی دەبێتەوە.

بەرزترین پلەکانی گەرمای پێشبینیکراو بە پلەی سیلیزی؛

هەولێر: 4 پلەی سیلیزی

سلێمانی: 1 پلەی سیلیزی

دهۆک: 4 پلەی سیلیزی

زاخۆ: 4 پلەی سیلیزی

کەرکوک: 4 پلەی سیلیزی

هەڵەبجە: 2 پلەی سیلیزی

سۆران: 1 پلەی سیلیزی

ئاکرێ : 3 پلەی سیلیزی

ئامێدی: 2-  پلەی سیلیزی

حاجی ئۆمەران: 7- پلەی سیلیزی

گەرمیان : 6 پلەی سیلیزی

لە کوێستانەکان بەفر و باران دەبارێت

شەوی سەری ساڵ بەفر و بارانە