بههۆى لافاوهوه زیانیان پێگهیشتبوو
رێگا و پردی زیاتر له 10 گوندى قهرهداغ چاكدهكرێنهوه
964+
فەرهاد حەسەن
خانمە قایمقامەکەی قەرەداغ، سەردانێکی مەیدانی بۆ ئەو شوێنانە ئەنجامدا کە بەم دواییە بەهۆی لافاوەوە زیانیان پێگەیشتووە، راگەیاندنی قایمقامییەتیش دەڵێت، ئەو شوێنانەی زیانیان بەرکەوتووە رێگا و پردەکانی زیاتر لە 10 گوندن.
گۆران محەمەد، بەرپرسی راگەیاندنی قايمقامييەت بە 964ـى وت، ئەمڕۆ قایمقام بە یاوەری سەرۆکی شارەوانی و بەڕێوەبەری بەشی پۆلیسی سەردانی رێگای گوندەکانی مریەم بەگ و قازانقایە و چەند گوندێکی دیکەیان کرد بەمەبەستی چاککردنی ئەو رێگایە و پردەکانی کە بەهۆکاری لافاو زیانیان بەرکەوتبوو.
وتیشی “رێگاکە زیاتر لە 10 گوند بەیەکەوە دەبەستێتەوە و رێگای سەرەکیشە بۆ ناحیەی سەنگاو و قەزای بازیان”.
ئەو زیانانەی باسیان دەکات، بریتین لە داڕمانی خاک لەهەندێک شوێن و تێکچوونی رێگاکە و گیرانی کونەپردەکان بە پاشماوەکانی باران و لافاو.
سەردانەکەی قایمقام بۆ بینینی شوێنە زیانپێکەوتووەکان و تێبینیکردنی ئاستی ئەم زیانانە بوو کە لافاو بە شوێنەکانی گەیاندووە و دەشڵێت، بەم زووانە لەلایەن تیمەکانی رێگاوبان و ئاوەدانکردنەوە چاکدەکرێنەوە.
ئاماژەی بەوەشکرد، زیانەکانی لافاوەکە لە سەنتەری قەزا زیاتر ئەو کێڵگە کشتوکاڵیانەی گرتووەتەوە کە جوتیاران ئەمساڵ بە گەنم دایانچاندووە و بووەتە هۆی ئەوەی گەنم چێندراوەکەیان دابشۆرێت.
مانگێکە پیاوە ونبووەکەی قەرەداغ نەدۆزراوەتەوە
