هێشتا تەرمەکەی نەدۆزراوەتەوە
کەسوکاری ئەو منداڵەی لە چەمی گازینۆی کەلاردا خنکا دیار نین
964+
میلاد جەلال – گەرمیان
کەسوکاری ئەو منداڵەی لە چەمی گازینۆی کەلاردا خنکا دیار نین و گەڕان بەدوای تەرمی منداڵەکەش بەردەوامە.
ئێوارەی ئەمڕۆ چوارشەممە 10.12.2025 منداڵێکى تەمەن 12 ساڵ کەوتە ناو چەمى گازینۆ لە شارى کەلار و خنکا.
ئیبراهیم محەمەد وتەبێژی بەرگری شارستانی کەلار بە 964ـی وت، “تا ئێستا نازانرێت منداڵی کێیە و کەسوکاری پەیدا نەبوون”.
ئاماژەی بەوەشکرد، هێشتا تەرمەکەی نەدۆزراوەتەوە و تیمەکانیان لەگەڵ خەڵکی ناوچەکە بەدوایدا دەگەڕێن.
پێداچوونەوە؛ شۆڕش قادری
