بارانبارین بەردەوامە و پلەکانی گەرماش دادەبەزن

964+

توانا نەقی

کەشەکە تا بڵێی باراناوی و تەڕە کەشناسیش پێشبینی دەکات ئاسمان هەور و کاریگەری  شەپۆلی باران بارین بەردەوام دەبێت لەسەرجەم ناوچەکان.

بەڕێوەبەرایەتی گشتی کەشناسی و بومەلەرزەزانی هەرێم بڵاویکردەوە، لەسنووری پارێزگای هەولیر و دهۆک بارانی مامناوەند دەبێت و دابارین بەشێوەی لێزمە بارانی پچڕ پچڕ و هەندێ کات نمە بارانی پچڕ پچڕ دەبێت، هەروەها لەسنووری پارێزگای سلێمانی و هەڵەبجە وئیدارەی گەرمیان و ئیدارەی ڕاپەڕین بارانی بە لێزمە و بەخوڕ دەبارێت لە زۆربەی کاتەکان.

ئاماژە بەوەشکراوە، لە ناوچە شاخاوییە بەرزەکانیش بەفر دەبارێت و ئەم شەپۆلە بە درێژایی ئەمڕۆ کاریگەری دەمێنێتەوە.

هەرچی سەبارەت بە پلەکانی گەرماشە تا دوو پلەیەک نزمتر دەبێتەوە و کاریگەرییەکەشی تا سبەینی دوای نیوەڕۆ بەردەوام دەبێت.

ئەمڕۆ سێ شەممە 9.12.2025
خێراى با /  مام ناوەند دەبێت  ( 15 – 25 ) کم/ک.
ئاراستەی با /  لەگۆڕاندایە.
پلەکانی گەرما /  کەمێک نزم دەبێتەوە بە  (1 – 2) پلە بەراورد بە تۆمارکراوەکانی دوێنێ، وەک لەسەر نەخشەى خوارەوە ئاماژەى پێدراوە.
مەوداى بینین /  لەنێوان ( 6 – 8 )  کم دەبێت

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ سێشەممە:
هەولێر : 13 پلەی سیلیزی
سلێمانی : 12 پلەی سیلیزی
دهۆک : 14 پلەی سیلیزی
زاخۆ  : 13  پلەی سیلیزی
کەرکوک : 13 پلەی سیلیزی
هەڵەبجە : 12 پلەی سیلیزی
سۆران: 12پلەی سیلیزی
گەرمیان : 15 پلەی سیلیزی