"ران و چەوری قەل خواستی زۆری لەسەرە"
سەرماکە گەیشت و بازاڕی قەل و قاز گەرمە
964+
دیلان محەمەدجەزا – سلێمانی
لەگەڵ ئەم شەپۆلی بارانبارینە سەرماکەش گەیشت، ئیدی ئەم جەوە ماڵی خواردنی چەور و بەلەزەتە و چێشتخانەکانیش بۆ خواردنی قەل و قاز بەرناکەون.
کریشما جەلال چێشتلێنەر و شێفێکی دەستاوخۆشی یەکێک لە چێشتخانەکانی سلێمانییە، قسەی بۆ مایکی 964 کردووە و دەڵێت، “بازاڕمان گەرمە و نەگەیشتینە نیوەڕۆ گۆشتی قازمان نەما، دەبێ دووبارە لێی بنێینەوە”.
بەقسەی ئەو شێفە، گۆشتی قەلی نێر خۆش دەردەچێ بەو مەرجەی دوو بۆ سێ رۆژ لەناو بەفرگردا هەڵبگیرێت، ران و چەوری قەلیش لە هەموو بەشەکانی دیکەی بەتامترە و خواستی زۆری لەسەرە.
پێداچوونەوە؛ شۆڕش قادری
قەل و قاز و مریشکەکانى گۆپتەپە نەهاتیانە
