"داب و نەریت و ئایین بپارێزن"
خانمی یەکەمی ئێزدییان داوادەکات قوتابخانە ئایینی لە گوندەکانیان دروستبکرێن
964+
فەرهاد حەسەن
خانمی یەکەمی ئێزدییان، داوادەکات قوتابخانە لە تەواوی گوند و کەمەڵگەکانی ئێزدی نشین دروستبکرێن بۆ ئەوەی لەرووی پەروەردە و فێرکردنەوە کێشە و گرفت لە سنوورەکەیان نەمێنێت.
ئەمڕۆ شەممە، مهيان خێرى بهگ هاوسەری میری ئێزدییان لە ناحیەی باشیک سەردانی قوتابخانەی بەحزانێی ئایینی کردووە و بە تێبینی کردنی لە هەبوونی کێشە و گرفتەکان ئەم دواکارییەی خستووەتەڕوو.
بەپێی راگەیەندراوێک کە خانمی یەکەمی ئێزدییان بڵاویکردووەتەوە، بەمەبەستی لەنزیکەوە ئاگاداربوون لە بەڕێوەچوونی کارەکانی کەرتی پەروەردە سەردانی ئەم قوتابخانەیەی کردووە و داواشی لە دایک و باوکی قوتابیان کردووە زیاتر هانی منداڵەکانیان بدەن بۆ پاراستنی ئایین، کلتوور و داب و نەریتی خۆیان.
داواشی کردووە لە شێوەی قوتابخانەکەی بەحزانێ قوتابخانەی دیکە لە گوند و کۆمەڵگە ئێزدی نشینەکان دروستبکرێت.
قوتابخانەکەی بەحزانێ ماوەی پێنج ساڵە دروستکراوە مامۆستای خۆبەخشی هەیە ساڵانە لە سەرەتای مانگی حوزەیران تاوەکو مانگی ئەیلوول قوتابی وەردەگرێت و ئەو وانەنەی پێیان دەدرێت هەمووی وانەی ئایینی ئێزدیین.
لە شوێنی دارە پیرۆزەکەی ئێزدیەکان نۆ داری زەیتوون چێندرانەوە
