لە مانگێکدا 96 نەشتەرگەریی “گەورە” لە نەخۆشخانەی سووتاویی سلێمانی ئەنجامدراوە

964+

ژێوار خدر

مانگی رابردوو فشارێکی زۆر لەسەر نەخۆشخانەی سووتاوی و نەشتەرگەریی جوانکاریی سلێمانی هەبووە، بە جۆرێک لە مانگەکەدا، 96 نەشتەرگەری ئەنجامدراون کە سێ دانەیان لە جۆری “سەروو گەورە” و ئەوانی دیکەش هەموویان “گەورە” بوون.

تەندروستیی سلێمانی ئامارێکی بڵاوکردووەتەوە و بەپێی ئامارەکە ، لە 1.11.2025 بۆ 30.11.2025، 115 نەخۆش لە نەخۆشخانەکە داخڵکراون و ماونەتەوە، بەڵام پشکی شێر بەر بەشی جوانکاری کەوتووە کە 95 نەخۆش بوون، لە بەرامبەردا تەنیا 20 نەخۆش لە بەشی سووتاوی خەوێندراون.

دەشڵیت، نەخۆشخانەکە کە لەو مانگەدا پێشوازیی لە هەزار و 364 سەردانیکەر کردووە، جگە لە چارەسەری بەپەلە و سووتاوی، بەشێکی گەورەی بۆ راوێژکاری و چارەسەری سروشتی تەرخان کردووە، بەجۆرێک 874 کەس بۆ بەشی راوێژکاری چوون و 274 کەسیش بۆ وەرگرتنی چارەسەری سروشتی (Physiotherapy) سەردانیان کردووە.

سەردانیکردن بۆ نەخۆشخانەی سووتاوی سلێمانی کەمیکردووە