سەرقاڵی یاریكردن و شەوچەرەن
بێ كارەبایی خێزانەكانی لەدەوری یەك كۆكردەوە
+964
ئەحمەد محەمەد _ سلێمانی
بەهۆی نەبوونی كارەبای نیشتیمانیی و نەمانی شەحنی مۆبایلەكانەوە، بەشێكی خێزانەكان بۆ بەسەربردنی كاتەكانیان لەماڵەوە بەدیار مۆم و چراكانیان سەرقاڵی یاریكردن و خواردنی شەوچەرەن.
بێ كارەباییەكە خەڵكی گەڕاندەوە ساڵانی نەوەدەكان و بەشێكی خێزانەكان بەیادگاری ئەو سەروەختەوە شەوەكەیان بەڕێكرد، پەیامنێری 964 ئەمشەو بە مەیدانی سەردانی چەند ماڵێكی سلێمانی كردووە، زۆربەی ماڵەكان بەدیار چرا و مۆم فانۆسەكانیانەوە، كۆبونەتەوە و كاتەكانی شەوەكەیان بە یاریكردنی ئۆنۆ و كۆنكان و دۆمینەوە، بەدەم خواردنی شەوچەرەوە و گێڕانەوەی بەسەرهاتەكانەوە بەسەربرد.
نەمانی شەحنی مۆبایل و كوژانەوەی ئامێرەكانی ئینتەرنێت و دەستبەربوونی خەڵكی لێیان، بەناچاری خێزانەكانی لەدەوری یەك كۆكردەوە و ساتێكی جیاوازیشی بە كۆبونەوەكان بەخشیووە.
هەرچی ماڵە، لەچاوەڕوانی كارەبایی نیشتیمانیدان و كە لەدوێنێوە بەهۆی هێرشەكانی كۆرمۆرەوە زۆربەی ناوچەكانی كوردستان كارەبایان بڕاوە و لە 24 كاتژمێردا بەنۆرەو تەنیا 5 كاتژمێر كارەبا بەماڵان دەدرێت
پێداچوونەوە: پەری ساڵح
