باڵەخانەی وەزارەتی نەوتی عێراق _ وێنە: وەزارەتی نەوت
مانگی رابردوو
هەرێم و عێراق 111 ملیۆن بەرمیل نەوتیان فرۆشتووە
964+
ئەحمەد مستەفا
وەزارەتی نەوتی عێراق داهاتی مانگی رابردوو “مانگی 10” ئاشکراکرد، کە حەوت ملیار دۆلار بووە، و هەرێمی کوردستان پێنج ملیۆن و 834 هەزار بەرمیل نەوتی داوە بە سۆمۆ و هەناردە کراوە.
ئەمڕۆ سێشەممە 25.11.2025، وەزارەتی نەوتی عێراق ئاماری هەناردە و داهاتی مانگی رابردووی بڵاوکردەوە.
کۆی گشتیی نەوتی هەناردەکراو نزیکەی 111 ملیۆن بەرمیل بووە، کە داهاتەکەی حەوت ملیار و 30 ملیۆن دۆلار بووە، وە بەگوێرەی ئامارەکە، لەو بڕەدا پێنج ملیۆن و 834 هەزار بەرمیل نەوتی هەرێمی کوردستان بووە، کە لە رێگەی بۆرییەوە بۆ بەندەری جەیهانی تورکیا هەناردە کراوە.
وەزارەتەکە دەڵێ، پرۆسەی هەناردەکردنی نەوت لە رێگەی کێڵگەکانی بەسرە، بەندەری جەیهان و دەروازەی ئەردەنەوە ئەنجام دراوە.
سەر لەبەیانی رۆژی شەممە 27.9.2025، نەوتی هەرێمی کوردستان لە رێگای بۆری نەوتی هەرێم – جەیهان و جارێکی تر رەوانەی بازاڕی جیهانیی کرایەوە.
بەرمیلێک نەوتی برێنت بە 62 دۆلار مامەڵەی پێوەدەکرێت
