رووداوێک لە هزرى هەموواندا ماوەتەوە
سێ ساڵ بەسەر رووداوەکەى ماڵى حاجى مەزهەردا تێدەپەڕێت
964+
دیلان محەمەدجەزا- سلێمانى
ئەمرۆ، سێ ساڵ بەسەر رووداوى تەقینەوە گەورەکەى ماڵى حاجى مەزهەردا تێدەپەڕێت کە تێیدا 15 کەس گیانیان لەدەستدا و هەشت کەس بریندار بوون.
17.11.2022، رۆژێکى ناخۆش و خەمناک بوو بۆ سلێمانى و کوردستان، ئەوەش دواى ئەوەى تەقینەوەیەک لە ماڵى حاجى مەزهەر لە گەڕەکى کازیوەى شارى سلێمانى روویدا و بووە هۆى گیانلەدەستدانى 15 کەس و برینداربوونى 8 کەس.
رووداوەکە لە سیستمى غازى ئێڵ پیجى روویدا، خانووەکەى ماڵى حاجى مەزهەرى تەختى زەوى کرد.
ئەوەى قەبارەى رووداوەکەى گەورەکرد، لەوکاتەدا لە ماڵى حاجى مەزهەر، کەسوکار و خزمانیان بۆ بۆنەیەکى خێزانى کۆببوونەوە، بەڵام کۆبوونەوەکە بە مەرگى بەکۆمەڵ کۆتایى هات.
لە رووداوەکەدا، 14 کەس لە خێزان و کەسوکارى حاجى مەزهەر و وەستاى سیستمى غازەکە گیانیان لەدەستدا و هەشت کەسى تریش بریندار بوون.
پێداچوونەوە: وریا فەتاح
