پڕۆژەى وێستگەی پاککردنەوەى ئاوی ئاوەڕۆی هەولێر - وێنە؛ حکومەتی هەرێم
بەردی بناغەی پڕۆژەکە دانرا
ئاوی ئاوەڕۆی هەولێر دەپاڵێورێت؛ بۆ ئاودان کەڵکی لێ وەردەگیرێت
964+
شۆڕش قادری
ئاوی ئاوەڕۆی هەولێری پایتەخت دەپاڵێورێت و پاک دەکرێتەوە، بۆ ئاودانی پارک و باخچەکان کەڵکی لێ وەردەگیرێت و ئەمڕۆ بەردی بناغەی پڕۆژەکە دانرا.
ئەمڕۆ یەکشەممە 16.11.2025 لە رێوڕەسمێکدا و بە ئامادەبوونی ژمارەیەک لە کاربەدەستدانی هەولێر، مەسرور بارزانی سەرۆکی حکومەتی هەرێم بەردی بناغەی پڕۆژەى وێستگەی پاککردنەوەى ئاوی ئاوەڕۆی هەولێری دانا.
پڕۆژەکە دەبێتە پاڵپشتی گەورەی پڕۆژەی پشتینەی سەوزایی هەولێر و بۆ ئاودانی باخچە و پارکەکان کەڵکی لێ وەردەگیرێت.
مەسرور بارزانی سەرۆکی حکومەتی هەرێم لە وتارێکدا و لە بەردەم ئامادەبووانی مەراسیمەکە وتی، “ئەم پڕۆژەیە گرنگییەکی تایبەتی خۆی هەیە چونکە رێگری لە تێکەڵبوونی ئاوی ئاوەڕۆ لەگەڵ سەرچاوەکانی ئاوی پاک دەگرێت و یارمەتی کەرتی کشتوکاڵیش دەدات، لەبەر ئەوەی بۆ ئاودانی مەزرا و پارک و باخچەکان کەڵکی لێ وەردەگیرێت”.
ئاماژەی بەوەشکرد، لە بەرنامەیاندا هەیە، پڕۆژەی هاوشێوە لە شوێنەکانی دیکەی کوردستانیش ئەنجام بدەن.
پڕۆژەى وێستگەی پاککردنەوەى ئاوی ئاوەڕۆی هەولێر، لەلایەن وەزارەتی شارەوانی و گەشتوگوزاری هەرێم و بە هاوکاری کۆمپانیای ئاوزان، لە ماوەی ساڵ و نیوێکدا جێبەجێ دەکرێت.
ئاوەڕۆی هەولێر تیمهكانى خسته حاڵهتى ئامادهباشییهوه بۆ ههر حاڵهتێكی مهترسیدار
