پەیامى زاخۆیە بۆ سلێمانى
“کوردستانێکى بێ سلێمانى کوردستان نییە”
964+
شڤان عەبدوڵا- زاخۆ
لەیادى 241 ساڵەى دامەزراندن و بنیادنانى شارى سلێمانیدا، رۆشنبیران و دانیشتوانى زاخۆ، پەیامى پیرۆزبایى و خۆشەویستى بۆ شارە حەیاتەکە دەنێرن و دەڵێن،”وەکچۆن مرۆڤ بێ دڵ ناژیت، کوردستانیش بەبێ سلێمانى کوردستان نییە”.
پەیامنێرى 964 بۆ یادى سلێمانى مایکەکەى خستە بەردەم ژمارەیەک لە هاوڵاتیان و رۆشنبیرانى زاخۆ، لەبارەى یادى سلێمانییەوە پرسیارى لێکردن، بەڵام زاخۆییەکان بەوپەڕى خۆشەویسى و سۆزەوە پەیامیان ئاراستەى شارە حەیاتەکە دەکرد.
“سلێمانى دڵمانە”، “سلێمانیمان خۆش دەوێت”، “سلێمانى شارى رۆشنبیرییە و هونەر و وەرگێرانە”، “وەکچۆن مرۆڤ بەبێ دڵ ناژیت، کوردستانیش بەبێ سلێمانى ناژیت”، ئەمانە قسە و پەیامى زاخۆییەکان بوون بۆ سلێمانى.
سبەینێ 14.11.2025، یادى 241 ساڵەى دامەزراندنى شارى سلێمانییە.
پێداچوونەوە: وریا فەتاح
