شاشەیەک کە خۆکردانە رێکخراوە لە کاتژمێر 6:00 دەنگدان کۆتایی پێ دەهێنێت. وێنە:کۆمسیۆنی هەڵبژاردنەکان.
كۆمسیۆنی هەڵبژاردنی عێراق
راستەوخۆ دەست بە ژماردن و فەرزی دەنگەكان دەكەین
964+
ئەرسەلان عەبدوڵا
کۆمسیۆنی باڵای سەربەخۆی هەڵبژاردنەکانی عێراق دووپاتی کردەوە کە دوای داخستنی دەنگدانەکان دەست بە پرۆسەی ژماردن و فەرزكردنی دەنگەكان دەكەن.
حەسەن سەلمان، راوێژکاری یاسایی كۆمسیۆن، بە ئاژانسی هەواڵی فەرمیی عێراقی راگەیاندووە، “کۆمسیۆن دوای داخستنی دەنگدانەکان دەست بە پرۆسەی ژماردن و فەرزكردنی (دەستی) دەنگەكان دەكات.
وتیشی، “کۆمسیۆن هیچ کەموکوڕییەکی تەکنیکی و کارگێڕی لە پرۆسەی هەڵبژاردنەکاندا دەستنیشان نەکردووە”.
ئاماژەی بەوەش کرد، “لەکاتی تەواوبوونی پرۆسەی دەنگدان و داخستنی ئامێرە ئەلیکترۆنییەکانی دەنگدان، ئەنجامی ژماردنەوەی دەنگەکان بۆ نوێنەرانی حزبەکان دەدرێت، چاودێرانی حزب و لایەنەكان دەتوانن سکاڵا تۆماربکەن لە ئەگەری هەر سەرپێچییەکدا”.
كەمێك پێش ئێستا پرۆسەی دەنگدانی گشتی لە هەڵبژاردنی خولی شەشەمی پەرلەمانی عێراق كۆتایی هات، كە لە حەوتی بەیانییەوە دەستیپێكردبوو.
