شەقڵاوە
خوشک و برایەکى منداڵ لە مەلەوانگەى باخێکى گەشتیاریدا خنکان
964+
ئاکام غەفور- سۆران
کەمێک لەمەوبەر لە یەکێک لە سەیرانگاکانى سنوورى شەقڵاوە دوو منداڵ کە خوشک و بران خنکان.
سەرچاوەیەک لە نەخۆشخانەى شەقڵاوە بۆ 964، وێڕاى پشتڕاستکردنەوە زانیارییەکان، وتیشى،”بە نەتەوە عەرەبن و لە یەکێک لە سەیرانگاکان خنکاون”.
بەپێى لێدوانى سەرچاوەکە، خێزانێکى بەنەتەوە عەرەب بۆ گەشت و سەیران چوونەتە سنوورى شەقڵاوە و لەوێ لە یەکێک لە باخەکان لایانداوە، لەوکاتەى دایک و باوکەکە چوونەتە ژوورەوە پشوویەک بدەن، دوو لە منداڵەکانیان کە کوڕێک و کچێکن چوونەتە ناو مەلەوانگەکە و خنکاون.
ئاشکراشى کرد، تەمەنى منداڵەکان شەش و حەوت ساڵن، دواى ئەوەى تەرمەکانیان گەیەندرایە نەخۆشخانەى شەقڵاوە، گواسترانەوە بۆ پزیشکى دادى هەولێر و توێکارى پزیشکیان بۆ دەکرێت.
پێداچوونەوە: وریا فەتاح
